Bird Flu Outbreak

Posted on
Aminado si Department of Agriculture Secretary o DA Manny Piñol na lumubog umano ang demand ng mga produktong manok dahil sa bird flu outbreak.
Gayunpaman, hindi pa makumpirma ng kalihim kung gaano kalaki ang naging pinsala ng tumamang insidente.
Kung saan inamin nito na malaki ang naging epekto ng kawalan sa tamang impormasyon ng mga tao.
Dahilan para iwasan umano ng mga ito ang pagtangkilik sa mga manok at itlog.
Ang hakbang umano na ito ng mga konsyumer ay nagresulta rin sa pagkawala umano ng trabaho ng karamihan sa mga poultry farmers.
Gayundin sa pagbaba ng farm gate price na naging P15 per kilo mula P90 per kilo noon.
Inaasahang apat na buwan pa ang aantayin bago muling payagan ang mga poultry farmers na magalaga muli ng mga manok, bibe at iba pa.
Nauna ng naglaan ang ahensya ng P100 milyong bayad para sa mga manok at bibe na kinatay para matigil ang pagkalat ng virus.